એક મૌન તારુ
એક મૌન મારુ
હુ રોજ વિચારુ
કોનુ મૌન સારુ ?
તુ ચુપ કે
તુ તંગ ના થાય
તારી શાંતિ ભંગ ના થાય
હુ પણ ચુપ એટલે કે
તુ તંગ ના થાય
તારી શાંતિ ભંગ ના થાય
ફરક શો એકબીજા ના
આ મૌન નો
સમાધાન નો મુદ્દો
બની ગયો એમા ને એમા ગૌણ તો
તંગ પણ થયો
જંગ પણ થયો
મારો મારી જાત સાથે
તો પણ હુ રહયો મૌન
સંકોરી લીધા હવે શબ્દો, ભાવનાઓ
પછી એમ થાય કે
શુ બોલુ હવે?
શાને કહુ હવે?
તને તારા મૌન ની જાણ
તૂ મારા મન થી અજાણ
હું ય મન માં છુપાવી બેઠો
કઈ કેટલાય ઘટના ક્રમ
કયાય તને જાણ ના થાય એમ રાખી મૌન
બસ
એક મૌન તારુ
એક મૌન મારુ
કહે હવે
કોનુ મૌન સારુ ?
